Diabetes: Plano sa Araw na Maysakit

Hingin sa iyong tagapangalaga ng kalusugan na tulungan kang gumawa ng plano para sa araw na maysakit.

Makipag-usap sa 1 o 2 kaibigan o mga miyembro ng pamilya tungkol sa pagsubaybay ng asukal sa dugo. Sabihin sa kanila ang mga sintomas na kailangan ng pang-emergency na pangangalaga.

Bumuo ng isang sick box na may mga gamot at mabibilis na ihandang pagkain.

Maglagay sa kahon ng naka-print na kopya ng iyong plano sa araw na maysakit.

Huwag ihinto ang pag-inom ng iyong gamot sa diabetes nang walang payo mula sa iyong tagapangalaga ng kalusugan.

Huwag uminom ng iba pang gamot nang hindi ipinapayo. Makipag-usap muna sa iyong tagapangalaga ng kalusugan. Kasama rito ang mga gamot gaya ng para sa sipon o trangkaso.

Pagkain. Sundin ang iyong plano ng pagkain, kung kaya mo. Kahit hindi mo kayang kainin ang iyong karaniwang diyeta, maaari ka pa ring kumain ng kaunting maaalat na cracker o tostadong tinapay. Kung hindi ka makakain, subukan ang katas ng prutas, regular na gelatin, o mga nagyeyelong juice bar kung inaprubahan ng iyong tagapangalaga ng kalusugan.

Pag-inom. Uminom ng hindi bababa sa 1 basong likido kada kalahating oras. Kung kumakain ka, dapat na walang asukal at caffeine ang mga likidong ito.

Pagsusuri sa iyong asukal sa dugo. Suriin ang iyong asukal sa dugo na kasing dalas ng kung anong sinasabi ng iyong tagapangalaga. Maaaring kailanganin mong suriin ito nang mas madalas kaysa karaniwan.

Pagsusuri para sa mga ketone. Suriin ang iyong dugo o ihi kung may ketones. Ang ketones ay dumi mula sa pagsunog ng taba sa halip na glucose para sa enerhiya na kailangan ng iyong katawan. Ang mga ito ay mga babala ng ketoacidosis. Ang ketoacidosis ay isang medikal na emergency na maaaring mangyari sa sinumang may diabetes. Mas karaniwan ito sa type 1 diabetes. Maaari ding maging problema kung umiinom ka ng isang tiyak na uri ng gamot para sa type 2 na diabetes. Tinatawag na SGLT-2 inhibitor ang ganitong uri ng gamot.

Pag-inom ng iyong mga gamot para sa diabetes.

• I-adjust ang iyong insulin ayon sa iyong plano sa araw na maysakit. Huwag laktawan ang insulin. Kailangan mo ng insulin kahit hindi mo makain ang iyong mga karaniwang pagkain.

• Kung umiinom ka ng mga tableta para sa diabetes (mga iniinom na gamot), inumin ang iyong normal na dosis maliban kung iba ang sinabi ng iyong tagapangalaga.

Pagpili ng mga gamot na walang asukal. Humanap ng mga walang asukal na drops para sa ubo at iba pang gamot. Itanong sa iyong tagapangalaga kung OK para sa iyo na inumin ang mga ito.

Paghingi ng tulong. Kung nag-iisa ka, hilingin sa isang tao na tingnan ka nang ilang beses sa isang araw. Gawing malapit sa iyo ang iyong telepono sa lahat ng oras.

Nagsusuka ka o nagtatae sa loob ng mahigit na 6 na oras.

Mas mataas kaysa normal ang lebel ng iyong asukal sa dugo o higit sa 250 mg/dL kahit na pagkatapos mong uminom ng dagdag na insulin (kung ipinayo sa iyong plano sa araw na maysakit).

Umiinom ka ng oral medicine para sa diabetes, at mas mataas kaysa normal ang iyong asukal sa dugo o mahigit sa 250 mg/dL, bago ang isang pagkain at nananatiling ganoon katas sa loob ng higit sa 24 na oras.

Mas mababa kaysa normal ang iyong asukal sa dugo o mababa sa 70 mg/dL.

Mayroon kang katamtaman hanggang napakaraming ketones sa iyong dugo o ihi.

Nanghihina ka sa pagtayo. O mayroon kang mga palatandaan ng dehydration, tulad ng tuyong mga labi o dila.

Hindi ka gumagaling pagkaraan ng 2 araw.

Hindi mo kayang manatiling gising o mag-isip nang malinaw.